Kapuso stars nagtulung-tulong para ipadala si Neil Ryan Sese sa Cannes
Bumuhos ang suporta para kay Neil mula sa mga kapwa niya Kapuso actors tulad nina Alessandra de Rossi Camille Prats at TJ Trinidad.
Sa bisperas ng kanyang 37th birthday, nag-post si Kapuso actor Neil Ryan Sese ng isang birthday wish sa kanyang Instagram account.
"Friends, countrymen... Give me some love!!! I will be celebrating my birthday on April 26. My only wish for my 37th birthday is to be able to attend The Cannes Film Festival in France on May 11-22, 2016. Our film Maria Rosa directed by Brillante Mendoza will be part of the said festival. I am one of the actors chosen to represent the film," saad ng caption ni Neil.
"I will need to raise all my funds by May 1 in order to pay for airline tickets and other items. You could help me by just buying shirts for P500 each. For more information please visit https://www.facebook.com/KG-clothing-co-548943605269426/," pagpapatuloy nito.
READ: Alessandra de Rossi isa sa mga hurado sa international film festival sa Milan
Bumuhos naman kaagad ang suporta para kay Neil, at ang ilan dito ay mula pa sa kapwa niya mga Kapuso actors. Ilan na rito ay ang kanyang Wish I May co-stars na sina Alessandra de Rossi Camille Prats at TJ Trinidad.
Pinasalamatan din niya sina Kapuso Primetime King Dingdong Dantes, Barbie Forteza, Joyce Ching, Jerald Napoles, Angelika dela Cruz at Gabby Eigenmann sa pagtulong sa kanya.
READ: Camille Prats napaluha nang panoorin ang Les Miserables
Ayon kay Neil, as of April 28, nakabenta na siya ng 67 pirasong T-shirts. Kailangan pa raw niyang makapagbenta ng 73 piraso para matustusan ang kanyang mga gastusin patungong Cannes.
Makakalaban ng Ma' Rosa ni Brilliante Mendoza sa 2016 Cannes Film Festival ang ilan pang pelikula mula sa mga bigating international directors. Kabilang na dito ang Julieta ni Pedro Almodovar, Paterson ni Jim Jarmusch, The Last Face ni Sean Penn, and Elle ni Paul Verhoven.
Tampok sa Ma' Rosa sina Jaclyn Jose, Julio Diaz, Andi Eigenmann, at Felix Roco. Tungkol ito sa mag-asawang may sari-sari store na ginagamit nila bilang cover-up sa pagtitinda ng ipinagbabawal na gamot.
MORE ON NEIL RYAN SESE:
Ano-ano ang mga wishes ng 'Wish I May' cast
Neil Ryan Sese on Miguel Tanfelix: "Nakikita ko 'yung sarili ko sa noong bata ako
