Pekto at Gladys Guevarra, confident na magwawagi kina John Feir at Betong sa 'Lip Sync Battle Philippines'
Sino kaya ang magwawagi sa Duet Battles edition ngayong Sabado?
Expect this Saturday night to be a fun one kapag pinanood mo ang Lip Sync Battle Philippines dahil for the first time ever, matutunghayan na ang kauna-unahang duet battles!
Ngayong Sabado, makakalaban ng team Pekto at Gladys Guevarra ang team ni John Feir at Betong kaya dapat niyo itong abangan.
Nakapanayam ng GMANetwork.com si Pekto sa kaniyang rehearsals at inamin nito na mas madali daw ang pag-lip sync ng mga duet.
Aniya, "Actually mas madaling taymingan 'yung duet kasi parang may ka-batuhan ka. Bumabato kayo ng comedy, iintayin mo lang 'yung cue."
Hindi din takot si Pekto na i-trash talk ang kaniyang mga kalaban na sina John Feir at Betong kahit outside the ring!
"Ang lamang namin siguro, mas magaling kami sa kanila. Si John Feir, kung talagang susumahin mo, hindi marunong kumanta 'yon 'eh, hindi nakakakanta 'yon so what more na mag-lip sync pa? Ano na ang mangyayari, 'di ba? So isipin niyo na lang 'yon. Si Betong naman, nakakakanta siya pero ang takot ko lang kay Betong ay baka mauwi lang sa, "We'll be right back," 'yung ganoon."
"Kung sila puso ang itatapat nila, kami ang itatapat namin sa kanila, galing. So puso at galing 'to. 'Yon pala ang gusto nila 'eh."
Sa huli, nag-iwan ng mensahe si Pekto para sa mga katunggali.
"Message namin kay Betong at John Feir, good luck sa inyo and sana ay magawa niyo nang tama ang pinagagawa sa inyo dahil kung hindi, isa lang ang sasabihin namin diyan. Sa larong ito, may matatalo at 'kung may matatalo, may mananalo so 'yung mananalo, mananalo 'di ba? So kami 'yon."
Ano raw, Pekto?
Panoorin ang video below upang malaman ang mga paghahandang ginawa nina Gladys Guevarra at Pekto sa kanilang laban sa Lip Sync Battle Philippines.
MORE ON LIP SYNC BATTLE PHILIPPINES:
Kapuso agency partners experience 'Lip Sync Battle Philippines'
Kris Bernal performs Michael Jackson's 'Smooth Criminal' | Lip Sync Battle Philippines
Aljur Abrenica’s Winner Moment | Lip Sync Battle Philippines
