READ: Ano ang payo ni Bossing Vic Sotto sa mga couples na may malaking agwat ang edad sa isa't isa
"Wala naman problem sa age... More important is how you feel, what you feel and what you believe in." - Vic Sotto
By AEDRIANNE ACAR
Inabangan ng mga dabarkads ang one-on-one interview ng Kapuso anchor na si Jessica Soho sa bagong kasal na sina Bossing Vic Sotto at Pauleen Luna-Sotto noong nakaraang Linggo ng gabi (February 28).
Sa episode ng Kapuso Mo, Jessica Soho, sinagot ng mag-asawa ang mga tanong ni Ms. Jessica patungkol sa buhay nila matapos ikasal noong January 30, 2016 sa St. James The Great Parish Church sa Alabang, Muntinlupa City.
Ayon sa veteran host, napakasarap ng buhay may asawa. Kuwento ni Vic, "Masarap. [laughs] Kasi matagal ko nang pangarap to settle down, matagal ko nang hinihintay [ang] the right one at the right time and finally eto na nga."
Tinanong din ng Kapuso anchor ang Eat Bulaga star kung ano-ano ang qualities na nakita niya sa kanyang misis para masabi niya sa kanyang sarili na si Paulee Luna na ang kanyang forever.
Paliwanag ng aktor, "She is very loving. Iba, it's really hard to explain pero basta naramdaman ko eh and siyempre may kasamang dasal 'yun na for guidance. Basta 'yun na naramdaman ko na lang 'yun mahirap i-explain."
May bago kayang na-discover si Bossing tungkol kay Pauleen na hindi pa niya alam nung hindi pa sila ikinakasal?
"Matagal na kaming magkakilala. "Little Miss Philippines" pa lang siya [laughs]. Kilala ko na siya, so parang alam ko na lahat."
Nagbigay din ng love advice ang award-winning host sa mga couples na katulad nila ay may kapareho ng sitwasyon, na may malaking age difference.
Saad ni Vic, "Wala naman problema sa age eh. Kasi the fact is, walang batas na nagbabawal okay, batas ng tao, batas ng Diyos, walang nagbabawal na "Uy kailangan ang difference niyo two years lang." Ideal is five years, 10 years, doesn't work that way. More important is how you feel, what you feel and what you believe in."
MORE ON VIC AND PAULEEN SOTTO:
Mr. and Mrs. Sotto’s honeymoon in Maldives
Celebrity sightings at the Vic Sotto and Pauleen Luna wedding
