Mas lalamig pa ang mga gabi kasama ang 'Midnight Horror Stories'

Kaakibat ng malamig na panahon, masarap talagang manood ng mga horror movies. Kaya hatid ng GMA ang pinakabagong dapat abangan bawat Sabado ng gabi—ang Midnight Horror Stories.

Bagong kuwento ng kababalaghan ang matutunghayan bawat linggo! Siguradong tatayo ang inyong mga balahibo sa mga kahindikhindik na mga kuwento mula sa pinakasikat na Japanese horror anthologies.

Isang lalaking tila sinusundan ng isang babaeng nakapula... Isang call center agent na hina-harass isang caller na hindi niya inaasahang malapit pala sa kanya... Isang binatang binubulabog ng kanyang mapang-akit na kapitbahay...

Abangan ang mga kuwentong ito sa Midnight Horror Stories, Sabado, 11:10 pm, simula February 20 sa GMA!