'Lip Sync Battle Philippines,' may pasabog sa pilot episode nito sa February 27
"Balita ko hindi naman daw 'to ginagawa sa ibang versions ng 'Lip Sync Battle' sa ibang bansa. This time gagawin natin sa Pilipinas para bumongga" - Michael V.
By FELIX ILAYA
Sa Chika Minute segment ng 24 Oras, bumisita si Iya Villania sa backstage ng Lip Sync Battle Philippines upang makapanayam ang host ng show na si Michael V.
A photo posted by Michael V. ???????? (@michaelbitoy) on
Malakas ang loob ni Bitoy na papatok sa mga Pilipino ang Lip Sync Battle Philippines sapagka't sadyang mahilig daw ang mga Pinoy na sumabay sa mga awitin. Ngunit ile-level up daw nila 'eto.
"Alam naman natin 'yung hilig ng mga tao sa lip sync 'di ba? Before that [Dubsmash] meron kami sa Bubble Gang 'yung ginagawa ng Moymoy Palaboy. Dahil mahilig 'yung tao sa ganiyan, dinagdagan pa natin. Hindi lang basta lip sync, mas bongga to!"
Maliban sa pagiging Chika Minute Girl, sasabak din si Iya Villania bilang color commentator ng show at aniya magmimistulang laban talaga ang mapapanood.
"Ginawa talaga nating battle, ganoon talaga, labanan talaga!"
Ayon naman kay Bitoy, mayroon silang gagawing pasabog sa pilot episode ng show na hindi pa nagagawa sa ibang franchise ng Lip Sync Battle, bukod pa doon, muling 'ring mapapanood ang tambalang TomDen.
"Balita ko hindi naman daw 'to ginagawa sa ibang versions ng Lip Sync Battle sa ibang bansa. This time gagawin natin sa Pilipinas para bumongga, iba 'yung opening natin. 'Yung pilot na gagawin natin matindi; ang pagbabalik ng tambalang TomDen; hindi lang pagbabalik ha, kung hindi pagtutunggali, maglalaban 'yung dalawa."
READ: Lip Sync Battle Philippines' airs on February 27
