Barbie Forteza, nasusupladuhan kay Ruru Madrid?

By AL KENDRICK NOGUERA, Interview by WILWINA BASSIG

PHOTO BY BOCHIC ESTRADA, GMANetwork.com
 

Bukod kay Andre Paras, may bagong love team si Barbie Forteza sa 'The Half Sisters' sa katauhan ni Ruru Madrid.

 

Dahil bagong salta si Ruru sa nangungunang Afternoon Prime soap, mayroong ikinuwento si Barbie tungkol sa kanya sa GMANetwork.com.

 

READ: Barbie Forteza reveals five things you didn't know about Andre Paras

 

Ayon kay Barbie, nalaman niya noon na siya pala ang kauna-unahang showbiz crush ng Protege Season 2 finalist. Kaso lang daw ay nasupladuhan siya sa aktor sa kanilang unang pagkikita noon.

 

"Kasi una kaming nagkita sa elevator. Eh hindi niya ako binati. Kasi nag-guest ako sa Protege, [bilang] partner niya. 'Di ba siya 'yung Ruru? Alam niya kaya na kaya ako narito para mag-rehearse ng sayaw namin? So dapat niya akong batiin, 'di ba," pahayag ni Barbie.

 

Buti na lamang daw ay inamin ni Ruru kay Barbie kung bakit siya nailang pansinin ang 'The Half Sisters' star. Ani Barbie, "'Yon pala, nahiya lang siya. Sinabi niya naman sa 'kin 'yon."

 

READ: Ruru Madrid, die hard fan ni Justin Bieber

 

Kuwento pa ni Barbie, pagkatapos ng Protege ay nagkasama ulit sila ni Ruru sa 'Paroa: Ang Kuwento ni Mariposa' at doon niya nakilala ang aktor nang husto. "Pilyo pala siya, mabait [at] saka magaling umarte," saad niya.

 

Dagdag pa niya, "Si Ruru, sobrang komportable na ako sa kanya kasi ever since, hindi na siya mahirap kasama. Tapos nakiki-bonding na siya sa 'min kaya mabilis ko [siyang] naka-close."

 

Gaano na ka-close ang dalawa? "Puwede ko na siyang asarin kasi alam kong friends kami," sagot ni Barbie.