Ken Chan, kuntento na raw sa supporting roles?

By AL KENDRICK NOGUERA

PHOTO BY ELISA AQUINO, GMANetwork.com

 

Isa-isa nang nabibigyan ng lead roles ang mga ka-batch ni Ken Chan sa Tween Hearts tulad nina Barbie Forteza, Joyce Ching, Bea Binene at Kim Rodriguez. Ayon kay sa Healing Hearts star, wala naman daw problema kung supporting roles ang ibinibigay sa kanya.

 

"Basta ako, [ang] lagi ko sinasabi, basta ako may trabaho lang [okay na]. Bonus na lang 'pag sumikat pa," pahayag ni Ken.

 

Pero ayon kay Ken, kahit na kuntento na siya sa supporting roles ay tatanggapin niya pa rin kung aalukin siya ng lead role ng GMA. "Masuwerte ako kung mabibigyan ako ng lead role. Sobrang mapapa-thank you talaga ako. And kapag na-achieve ko 'yon, lahat [ay] gagawin ko. Hindi ko na bibitawan 'yun," saad niya.

 

Hindi lahat ay nabibigyan ng pagkakataong bumida sa isang show pero kung sakali mang mangyari ito, ano ang mararamdaman ni Ken?

 

"Siyempre may kaba kung mabibigyan ka ng isang malaking responsibilidad. Kahit sino namang artista na mabigyan ng lead role, responsibilidad namin 'yon dahil kami 'yung nakaharap, kami 'yung nakikilala ng tao," sagot niya.