Mark Anthony Fernandez, napa-‘Let the Love Begin’ sa piling ng kanyang girlfriend

By CHERRY SUN

 

Malungkot man si Mark Anthony Fernandez dahil sa nalalapit na pagtatapos ng Let the Love Begin ay masaya naman ang aktor dahil napa-Let the Love Begin sila ng kanyang non-showbiz girlfriend.

 

“Mami-miss ko talaga ‘yung mga kasamahan ko doon dahil napamahal na rin ako kina Aiai (delas Alas), lalo na kay Gladys (Reyes),” sambit ni Mark Anthony sa panayam ng 24 Oras.

 

Gayunpaman, hindi matawaran ang kanyang ligaya dahil kay Diana. Aniya, isang model raw ang kanyang 23-year-old girlfriend at nakilala niya sa pamamagitan ng kanilang mutual friend.

 

“Siya ‘yung soulmate ko. Puwede ko ipusta baga kapag naghiwalay pa kami nito, siguro you can spank me,” sambit ni Mark Anthony.

 

“Ang importante, mabuti kami nung ex ko. Sa mga bagay-bagay nagkakasundo kami,” dagdag din niya tungkol sa kanyang ex-wife na si Melissa Garcia.

 

Video courtesy of GMA News