Natalia Moon: Boyfriend material si Aljur Abrenica

By AEDRIANNE ACAR

PHOTO BY BOCHIC ESTRADA, GMANetwork.com

Masuwerte ang Australian blonde beauty na si Natalia Moon dahil sa mga blessings na natatanggap niya this year. 

 

Matapos sumikat at makilala as a YouTube star, ngayon ay kabilang na ang dalaga sa hit comedy series na Ismol Family na mapapanood every Sunday evening pagkatapos ng Vampire Ang Daddy Ko. 

 

Kuwento ni Natalia nang ma-interview ng 24 Oras Weekend na super nagulat daw siya nang mapili for the role of foreignay kasambahay sa Ismol Family.
 

“Nag-audition ako sa GMA Artist Center, so nag-prepare ako. Yung audition piece nakakatuwa ganyan. They give me the call and said we’d like you to be GMA Artist. Ha! Talaga! Bakit? Hahaha so after that I got the role for Ismol,” saad ng sexy star. 

 

Magaling din kumanta itong si Natalia at isa raw sa mga pangarap niyang maka-duet ay ang Asia’s Songbird Regine Velasquez-Alcasid dahil sobrang maganda at powerful daw ang boses nito. 

 

Inamin din ng Ismol Family star na naguwaguwapuhan siya sa Kapuso hunk Aljur Abrenica. Sinabi rin nito ang mga qualities na hinahanap niya sa isang lalaki. 

 

“I think Aljur is guwapo. Gusto ko talaga 'yung moreno tsaka mabait 'di ba pero dapat masipag at makulit kasi ako rin sobrang kulit 'di ba.”